Amistança – Amistanza
Companhia Crestian Josuèr
Companhia Lo Pau Lo Tiau
Virabal !
L’Educacion Artistica e Culturau (EAC)
Dialectiques du compás
L’associacion Amistança-Amistanza, associacion d’amistat occitano-aragonesa qu’ei basada sus Pau. Que tribalha despuish 2002 en lo maine de las musicas actuaus, de manèra mei especifica sus las musicas, danças gasconas e aragonesas.
Qu’arrecampa actors culturaus professionaus e amators.
Que hè vàler la practica artistica de La Companhia Crestian Josuèr e de La Companhia de dança « Lo Paulotiau » com las lors activitats en Educacion Artistica e Culturau e los escambis transfrontalèrs Bearn-Aragon.
Los nostes musicians e dançaires que collabòran dab artistas aragonés, que sia en grop o tà intervencions individuaus, subertot en los grops Araboas o Biella Nuei.
Qu’envitam tanben artistas, basats hòra departament 64, tà interviéner en las nostas creacions : Patrick Vaillant, James Carlès, Luis Miguel Bajén, Christian Frappa…
Qu’intervienem en escòlas mairaus e primaras, collègis e EHPAD e cap a publics en dificultat, en Educacion Artistica e Culturau. Qu’ i presentam los nostes espèctacles en los adaptar e cream navèras fòrmas artisticas dab los mainats, los joens o los ancians: espèctacle, bal, film documentari,…
Que co organizam, cada an, ua encontre de grops de danças de bastons sus l’espaci pirinenc, dab los nostes partenaris aragonés : Danzantes del Barrio San Chusé de Zaragoza e Danzantes de Sabiñánigo.
La nosta practica qu’ei bilingüa francés-occitan.
Las nostas darrèras realizacions : EAC – 2025/2026
A la descobèrta de JF Bladèr
Dens las annadas 1850 e pendent 25 ans, Joan-Francés Bladèr que mia un tribalh de collècta deus contes populars, sus Armanhac, Agenés…. Qu’ei en lo briu de George Sand, Frédéric Mistral, Alphonse Daudet. JF Bladèr qu’a gran plaser a contar eth medish. Que collècta los racontes au près d’aulhèrs, de gojas, aquestes contan en gascon. La transmission qu’ei orau, los tèmas universaus. Un còp l’arrevirada hèita, que publica mei de 150 contes dens lo son recuelh « Contes populaires de la Gascogne », en 1886.
L’Òmi Verd, un conte de JF Bladèr, hicats en scèna per los primaris e per los collegians de Bidaishe.
Intervenents : Laurent Avizou Frédéric Cavallin. Margot Perriot.
Ligam cap au documentari realizat per Octele TV : https://youtu.be/fRK93dR5lCE?si=KzkAsODzA2oXKwg6
Companhia Crestian Josuèr
La Companhia Crestian Josuèr que vadó en 1999, tà la preparacion deu disc « Branlo Navèth ». Qu’ei animada per Crestian Josuèr musician poli-instrumentista, d’expression occitana (gascon), francesa e castelhana.
Companhia Lo Pau Lo Tiau
La Companhia paulina Lo Pau Lo Tiau qu’a hèit renàisher despuish mei de 6 ans las danças ditas de bastons ! En efeit, en 2014, lo grop de 8 dançaires amators acompanhat per musicians professionaus, tots passionats de danças e de musicas tradicionaus deu Bearn, que s’ei format a Pau, dens los Pirinèus Atlantics (64) !
Virabal !
La Companhia Lo Pau Lo Tiau que presenta lo son navèth espectacle ! E, aqueste còp, sus l’empont ! Aqueste navèth espectacle titolat « Virabal! »
qu’ei une coproduccion d’Amistança-Amistanza e deu « Centre Chorégraphique » James Carlès.
L’Educacion Artistica e Culturau
Ua auherta diversificada a destinacion de publics ciblats de tot adge. Que confòrta la vertadèra causida de la Diversitat Culturau e la nosta vocacion a estar actor de l’Educacion Populara.
Associacion acceptada com intervienent culturau au près de l’Educacion Nacionau
Dialectiques du compás
Dens Dialectiques du compás, Maël Goldwaser e Frédéric Cavallin que confrontan lo lengatge de la guitarra flamenca au de las Tabla entà trobar un punt d’equilibri respectuós de cada tradicion e los miar aulhors. Aqueth encontre que balha lòc a ua conversacion musicau pendent la quau se passa de l’intimitat de la guitarra a la virtuositat de las Tabla, de la ràbia deu flamenco a la contemplacion d’ua aritmetica metamorfosada peu cant de las percussions.