La Companhia Lo Pau Lo Tiau

La Companhia paulina Lo Pau Lo Tiau qu’a hèit renàisher despuish mei de 6 ans las danças ditas de bastons ! En efeit, en 2014, lo grop de 8 dançaires amators acompanhat per musicians professionaus, tots passionats de danças e de musicas tradicionaus deu Bearn, que s’ei format a Pau, dens los Pirinèus Atlantics (64) ! Qu’èm, uei lo dia, un quinzenat de dançaires!!

Bastons colorats en man, la nosta tropa que balha a véder un espèctacle en exterior, ritmat, dinamic e gaujós. Dançaires e musicians, que preneràn plaser a har lo passèri per las arruas e los carreròts de la vòsta comuna, au son de l’acordeon e de las percussions !

La Companhia Lo Pau Lo Tiau qu’ei ua companhia mixta e intergeneracionau. Los escambis que son rics, agradius. La transmission que i ei hòrta pendent las nostas repeticions, que hèm au minimum tots 15 dias, en un ambient seriós e conviviau tà un detzenat de representacions per an.

P » » »P a l’Espace dantza a PauLas coregrafias que presentam que son, tà la màger part creacions nostas, resultat de las nostas inspiracions collectius deu moment, dab la volontat constanta de valorizar lo repertòri de pas tradicionau gascon, lo noste repertòri commun tan preciós.

Despuish 6 ans, qu’escambiam las nostas practicas, dab 2 grops aragonés, « San Chusé » de Zaragoza e «  Los danzantes de Sabiñánigo », pendent las nostas « encontres de danças pirinencas » annuaus.

La Companhia Lo Pau Lo Tiau qu’aprèsta un navèth espèctacle ! E, aqueste còp, tà dançar sus l’empont ! Aqueste navèth espèctacle scenic titolat «Virabal » que mercarà la sortida d’ua estreta collaboracion dab James Carlès, dançaire, professor e coregrafe tolosenc. Qu’ei lo parat tà nosautes de descobrir e de tribalhar d’autas esteticas de danças : contemporanèa, africana, jazz. Lo noste espèctacle que serà balhat los 8 e 9 de genèr de 2022 a « l’Espace Dantza » a Pau, que vos i esperam numerós ! Que serà la hèsta !

Documents Lo Pau Lo Tiau

Tots los documents disponibles.

Fòtos Lo Pau Lo Tiau

Totas las fòtos deus nostes projèctes

Videos Lo Pau Lo Tiau

Totas las videos deus nostes projèctes.