Virabal !
Virabal ! La Companhia Lo Pau Lo Tiau que presenta lo son navèth espectacle ! E, aqueste còp, sus l’empont ! Aqueste navèth espectacle titolat « Virabal! ».
Qu’ei une coproduccion d’Amistança-Amistanza e deu « Centre Chorégraphique » James Carlès, dançaire, professor e coregrafa tolosenc (https://jamescarles.com/).
Tà nosautes qu’ei lo parat de ns’i har dab d’autas esteticas de danças : contemporanea,jazz.
Lo noste espectacle Virabal ! qu’estó balhat, peu purmèr còp, los 8 e 9 de genèr 2022, a « l’Espace Dantza » a Pau.
Que’n podetz aver un abans-gost dab l’emission d’Octele : https://www.octele.com/Virabal_fiche_4149.html
Sus Facebook : https://fb.watch/aAVIuHHlyG/
e fòtos en Documents mei baish.
Documents Virabal
Tots los documents disponibles.
Fòtos Virabal
Tots los documents disponibles.
Videos Virabal
Tots los documents disponibles.
Agenda
Lo Paulotiau, (danças de bastons) e Crestian Josuèr (Bal Gascon)
– Vilhèra (64) – 12 de octobre 2024 – 17h-18h
Lo ritme entà la dança, dimenge 17 de noveme de 2024 dab Frédéric Cavallin, bateire-percussionista e Crestian Josuèr, acordeonista. En partenariat dab le Centre Chorégraphique James Carlès de Tolosa. Entà dançaires e musicians de totas esteticas – Inscripcions abans lo 12 de noveme de 2024.
– Elements teorics que seràn evidentament abordats mes lo còr de la proposicion que demora la practica deu ritme de manèra collectiu .
– Tribalh sus la nocion de pulsacion interiora, de contratemps, de petit cicle, de gran cicle, binari, ternari, la polyritmia…..
– L’instrument privilegiat que serà plan segur lo noste còs mes diferentas percussions que seràn disponiblas entà variar los plasers…. Lo monde deu ritme qu’ei vaste, lo de la percussion tanben….. Lo noste quadre de partença que demoraràn los ritmes e danças gasconas.
Frédéric Cavallin que debuta la bateria a 8 ans, qu’estúdia a l’escòla Dante Agostini puish a l’escòla Music’hala de Tolosa, que descobreish las percussions orientaus dab Ali Alaoui, e que segueish l’ensenhament deu jogador de tabla indian Debashish Brahmachari . Que’s passiona entà l’idèa deu «Folclòr imaginari» de Béla Bartok shens encadenassar las soas rasics occitano-italo-espanhòlas.
Que tribalha actuaument sustot dab JUR, Hervé Suhubiette e los Elements, Alain Larribet, Coble, Maël Goldwaser….
Billetterie en linha :
Las estructuras fondamentaus de la dança collectiu dens los repertòris gessits de la tradicion orau e dens los testimoniatges deus tractats istorics de la dança 11 e 12 de genèr de 2025.
En partenariat dab Le Chorégraphique James Carlès de Tolosa.
dab Carles Mas i Garcia
Tà dançaires e musicians de totas esteticas – inscripcions abans lo 3 de genèr de 2025
Practica concrèta e comparason de las fòrmas de la dança collectiu com branlos de la Renaishença, branlo aussalés, sardana, saut, contrapàs… la formacion que serà dirigida cap tà la presa de consciéncia de la metrica deus cicles de movement de la dança collectiu. Que poderam hicar en perspectiva cadua de las fòrmas tradicionaus concrètas com variacion d’ua estructura fondamentau.
Aquera estapa importanta, autant entaus dançaires “tradicionaus” com taus dançaires formats dens las practicas e esteticas de la dança academica (dança contemporanèa, classica, etc…), que’ns permeterà de desvolopar ponts de compreneson e de partatge de vocabulari creatiu enter tots los artistas-practicants de la dança e tanben dab los musicians.
L’objectiu que serà egaument d’integrar utís e estrategias d’analisi en partir de la practica conscienta.
Carles Mas i Garcia, mèste a dançar, istorian de la dança, musician, pedagògue, codirector artistic de la Companyia Xuriach, Barcelona.
Despuish 1975, que desvolòpa ua larja recèrca sus l’interpretacion de la musica e de la dança dens las practicas tradicionaus, atau com sus las honts medievaus e de la Renaishença.
Billetterie en linha :
Concèrt Crestian Josuèr solo
Talhèrs acordeon diatonic dab Crestian Josuèr.
Talhèr de dança dab Françoise Raffin (Lo Paulotiau – Pau)
Crestian Josuèr