L’Educacion Artistica e Culturau
EAC

L’Educacion Artistica e Culturau (EAC)

Ua auherta diversificada a destinacion de publics ciblats de tot adge. Que confòrta la vertadèra causida de la Diversitat Culturau e la nosta vocacion a estar actor de l’Educacion Populara.

La nosta associacion qu’a l’agrement d’ intervenent culturau tà l’Educacion Nacionau.

De petit enlà (ninoèra, escòla mairau) : presentacion interactiva d’instruments de musica. Los petits que veden, qu’escòtan los instruments, que’us ensajan. Que dançan dab lo supòrt deu « Lo trin de la dança ».
Escòla primara : presentacion interactiva d’instruments de musica. Istòria de la musica en passar per los instruments. Mini-concèrt. Aprendissatge de consignas simplas basadas sus lo metòd deu « Sound Painting». Aprendissatge de la dança en seguir los programas oficiaus, en respectar los cicles d’aprendissatge. Restitucion publica en bastir creacions. Los gojatòts que son tots actors.

Collègi : Projècte « Va plan tabla ? », bastit sus l’encontre enter las musicas gasconas e indianas. Coneishença deus instruments. Jòcs sus percussions tradicionaus simplas. Preparacion d’un espèctacle de creacion, en integrar tèxtes, intervencions cantadas e musicaus. Restitucion publica.
EHPAD : « Lo Bal » : en partir d’un bal tocat per los nostes musicians qui serveish d’ubèrtura e d’aviada tà un tribalh miat dab los residents, refleccion sus çò qu’a representat lo bal taus nostes ancians. Desbats, collècta d’informacions, hèitas… Aquestes moments de memòria collectiu qu’amian sus un navèth bal dab la participacion deus residents.

Dens un dusau temps, creacion d’un documentari dab las refleccions deus résidents. 2 realisacions per lo moment : « Le bal d’antan », EHPAD de Pontac et « Le bal clandestin durant la seconde guerre mondiale », EHPAD de Monenh.

En projècte, « Entrons dans le rythme », que recamparà residents e musicians sus ua creacion a l’entorn deus ritmes tradicionaus.