Dialectiques du compás
Maël Goldwaser e Frédéric Cavallin
Dialectiques du compás
Dens aquera creacion navèra Maël Goldwaser qu’interròga un deus element fondamentau deu flamenco : lo compás. Tèrme aus sens multiples, lo compás que designa au còp ua estructura deu temps immutable e quasi sacrat, lo fenomèn ritmic en generau atau com daubuas variacions armonicas qui permeten d’exprimir l’esséncia d’un estile precís deu flamenco (çò que s’apèra un palo). Si inspirant de l’elasticitat de daubuns palos, Maël Goldwaser qu’alarga los compases tradicionaus e que balha neishença a de navèths cicles suus quaus compausa la soa musica.
Entà miar aqueras investigacions que s’ei virat cap tà l’Orient, la musica indiana e los Tabla mei precisament. Índia, a còps considerada com la tèrra d’origina deu flamenco, auhèrta a tot explorator deu ritme de las atrunas d’ua riquessa infinida. Aus costats de Frédéric Cavallin, que confrontan la dialectica de la guitarra flamenca a la de las Tabla entà trobar un punt d’equilibri respectuós de cada tradicion e los miar aulhors. Aqueth encontre que balha lòc a ua conversacion musicau pendent la quau se passa de l’intimitat de la guitarra a la virtuositat de las Tabla, de la ràbia deu flamenco a la contemplacion d’ua aritmetica metamorfosada peu cant de las percussions. Aqueras aviadas que tiban cap a un orizont comun : la recèrca de navèras dialecticas deu compás.
Nòta d’intencion
« Dialectiques du compás » qu’ei lo títol d’un cicle de composicions basadas sus un alargament deus cicles ritmics tradicionaus deu flamenco (los compases). En ajustant mesuras imparas de 5 e 7 temps a l’interior deus cicles tradicionaus, que cream navèths espacis dens los quaus la dialectica ritmica tradicionau, qu’ei a díser la simbolica e foncion de cada temps atau com la faiçon de comptar, qu’ei respectada.
Aqueras recèrcas que m’an condusit tostemps mei a l’Èst. Entà començar d’explorar aqueths cicles navèths qu’èi sollicitat l’acordeonista Arthur Bacon qui ei un coneishedor de las musicas deus Balcans, mei particularament de Romania, on los ritmes a 5 e 7 temps que son corrents. Que m’èi puish m’iniciar a la ritmica indiana dab la mira de tornar mobilizar aqueras atrunas. Qu’ei entad aquera rason qui en 2022 que’m soi format au près de Prabhu Édouard gràcias a las borsas de companhonatge de la FAMDT.
Navigant enter la musica indiana, las musicas improvisadas atau com divèrs projèctes avent entà hiu conductor l’idèa de folclòr imaginari, Frédéric Cavallin qu’èra la persona ideau entà m’acompanhar dens aquera aventura.
Distribucion
Maël Goldwaser : Composicion e guitarra
Frédéric Cavallin : Arrengament e Tabla
Pagina internet deu projècte e agenda
Dialectiques du compás – Maël Goldwaser et Frédéric Cavallin
Agenda
Ucha 42 – Les bals clandestins pendant la 2ème Guerre mondiale à Monein
- Companhia Crestian Josuèr – Centre Chorégraphique James Carlès :
- Spectacle sur les bals clandestins présenté aux collégiens (ce spectacle inclut le film réalisé à l’EHPAD la « Roussane de Monein ».
- Action d’EAC.
- Ateliers.
- Répétitions.
- Création d’un spectacle avec les collégiens.
UCHA 42 – Semaine Occitane de Monein (64)
- Spectacle restitution de la semaine d’EAC au Collège de Monein.
- Notre vision actuelle des bals clandestins.
- Chants.
- Danses.
- Musique.