Adishatz !

L’associacion Amistança-Amistanza, associacion d’amistat occitano-aragonesa qu’ei basada sus Pau, que tribalha despuish 2002 en lo maine de las musicas actuaus, de manèra mei especifica sus las musicas, danças gasconas e aragonesas.

En arrecaampar actors culturaus professionaus e amators, que hè vàler la practica artistica de La Companhia Crestian Josuèr e de La Companhia de dança « Lo Paulotiau » com las lors activitats en Educacion Artistica e Culturau e  los escambis transfrontalèrs Bearn-Aragon.

Qu’intervienem en escòlas mairaus e primaras, collègis e EHPAD e cap a publics en dificultat, en Educacion Artistica e Culturau. Qu’ i presentam los nostes espèctacles en los adaptar e cream navèras fòrmas artisticas dab los mainats, los joens o los ancians: espèctacle, bal, film documentari,…

La nosta practica qu’ei bilingüa francés-occitan.

Qu’ei tot açò qui vatz arretrobar sus aqueste site, las presentacions de las nostas activitats, la lor actualitat, quan e on se passan las causas, dab qui, e tanben documents qui’s van enriquir chic a chic (fòtos, videos, articles, complements deus discs…) e tot lo resultat deu tribalh noste.

Vous poderatz tanben, escotar, crompar  los nostes CDs (CD sancèr o títols en telecargament ) en linha e los recéber per la pòsta  o sus lo voste ordinator.

Que’ns poderam contactar, escotar las vòstas suggestions….

 

Planvienguts e a hèra viste !