La Companhia Lo Pau Lo Tiau
La Companhia paulina Lo Pau Lo Tiau qu’a hèit renàisher las danças ditas de bastons ! En efeit, en 2014, lo grop de 8 dançaires amators acompanhat per musicians professionaus, tots passionats de danças e de musicas tradicionaus deu Bearn, que s’ei format a Pau, dens los Pirinèus Atlantics (64) ! Qu’èm, uei lo dia, hèra mei !!
Bastons colorats en man, la nosta tropa que balha a véder un espèctacle en exterior, ritmat, dinamic e gaujós. Dançaires e musicians, que preneràn plaser a har lo passèri per las arruas e los carreròts de la vòsta comuna, au son de l’acordeon e de las percussions !
La Companhia Lo Pau Lo Tiau qu’ei ua companhia mixta e intergeneracionau. Los escambis que son rics, agradius. La transmission que i ei hòrta pendent las nostas repeticions, que hèm au minimum tots 15 dias, en un ambient seriós e conviviau tà un detzenat de representacions per an.
Las coregrafias que presentam que son, tà la màger part creacions nostas, resultat de las nostas inspiracions collectius deu moment, dab la volontat constanta de valorizar lo repertòri de pas tradicionau gascon, lo noste repertòri commun tan preciós.
Despuish 2016, qu’escambiam las nostas practicas, dab 2 grops aragonés, « San Chusé » de Zaragoza e « Los danzantes de Sabiñánigo », pendent las nostas « encontres de danças pirinencas » annuaus.
Documents Lo Pau Lo Tiau
Tots los documents disponibles.
Fòtos Lo Pau Lo Tiau
Totas las fòtos deus nostes projèctes
Videos Lo Pau Lo Tiau
Totas las videos deus nostes projèctes.
Agenda
“La Passem” a Arsac (64) Educacion Artistica e Culturau a La Calandreta de Porciuvas (lo matin), a l'escòla de Maseròlas(lo vrèspe) Prestacion deu Paulotiau (danças de bastons) Repaish per la Confrerie des 3C e la Calandreta Cants, grop Los Combatièrs Bal gascon Crestian Josuèr
- VI encontre transfrontalèr de danças de bastons
- Educacion Artistica e Culturala en las Escòlas.
- Exposicion « 400 años de los bailadores de Santa Orosia »
- Talhèrs ubèrts a tots.
- Taulas redondas universitarias.
- Un tribalh commun de repeticions.
- Un espectacle, passa-carrèras…
Commemoracion de la inauguracion de la gara de Canfranc (Aragón) Lo Paulotiau que dançarà pendent la Commemoracion de l'inauguracion de la gara de Canfranc (1928). Tota la vila que torna víver aqueth moment hòrt !