La Companhia Lo Pau Lo Tiau

Pòrtas ubèrtas / Portes ouvertes

Los 10 e 17 de seteme de 2025, 18h30 au Centre Socio-Culturau de Visanòs (carrèra deu 8 de mai de 1945)

Lo parat per 2 còps de descobrir e ensajar las danças de bastons dab los membres deu grop ! Aquestas sedenças que sont ubèrtas a tot public, a gratís e que s’acabaràn per lo veire de l’amistat.

Entresenhas : 06 45 29 40 37 / 06 70 12 12 40

La Companhia paulina Lo Pau Lo Tiau qu’a hèit renàisher las danças ditas de bastons ! En efeit, en 2014, lo grop de 8 dançaires amators acompanhat per musicians professionaus, tots passionats de danças e de musicas tradicionaus deu Bearn, que s’ei format a Pau, dens los Pirinèus Atlantics (64) ! Qu’èm, uei lo dia, hèra mei !!

Bastons colorats en man, la nosta tropa que balha a véder un espèctacle en exterior, ritmat, dinamic e gaujós. Dançaires e musicians, que preneràn plaser a har lo passèri per las arruas e los carreròts de la vòsta comuna, au son de l’acordeon e de las percussions !

La Companhia Lo Pau Lo Tiau qu’ei ua companhia mixta e intergeneracionau. Los escambis que son rics, agradius. La transmission que i ei hòrta pendent las nostas repeticions, que hèm au minimum tots 15 dias, en un ambient seriós e conviviau tà un detzenat de representacions per an.

Las coregrafias que presentam que son, tà la màger part creacions nostas, resultat de las nostas inspiracions collectius deu moment, dab la volontat constanta de valorizar lo repertòri de pas tradicionau gascon, lo noste repertòri commun tan preciós.

Despuish 2016, qu’escambiam las nostas practicas, dab 2 grops aragonés, « San Chusé » de Zaragoza e « Los danzantes de Sabiñánigo », pendent las nostas « encontres de danças pirinencas » annuaus.

La VII edicion (2025) arcuelhuda a Pau qu’a encontrat un franc escaduda . Que podetz consultar la pagina de l’eveniment e las fòtos a l’adreça seguenta : https://www.amistanca.fr/zaradanze-saradanca/

Virabal !
La Companhia Lo Pau Lo Tiau be presenta un espectacle navèth ! E, aqueth còp, sus scèna ! Aqueth navèth espectacle scenic entitolat « Virabal » qu’ei la resulta d’ua coproduccion Amistança-Amistanza e deu Centre Chorégraphique James Carlès, dançaire, professor e coregrafe tolosan (https://jamescarles.com/). Qu’ei entà nosauts lo moment d’arrestar autas esteticas de danças : contemporanèa, jazz. Lo noste espectacle qu’ei estat balhat, peu purmèr còp, los 8 e 9 de genèr de 2022, a l’Espaci Dantza a Pau. Que’n podetz espiar un apercebut sus l’emission d’Octele : https://www.octele.com/virabal_fiche_4149.html e de las fòtos dens los nostes documents ací devath.