19 Rue Bourbaki
64000 Pau
France
Virabal qu’ei un espectacle de dança.
James Carlès qu’auhereish ua istuèra a la crotzada de las esteticas, ua apròcha generosa cargada de poesia, de gaujor, a còps subtila, delicata, a còps expansiva. Los 8 dançaires e los 3 musicians qu’envitan lo public a entrar en lo moviment deu bal, a partatjar las lors emocions. Com au bal, que viven moments hèstius o mei intimistes, que son solidaris, collectius o en confrontacion. La dança contemporanèa, las claquetas, las danças patrimoniaus gasconas e las danças de bastons deu repertòri de carrèra deu Paulotiau que s’amistosan, s’argueitan en tot entermesclà’s, que vaden complicis… Los dançaires que s’adreçan au public, dab los lors còs qui botjan, los espiars, las lors improvisacions, las imatges que crean. Cadun tròba lo son ritme, lo son espaci.
La musica escriuta o improvisada que pòrta e amigalha la dança, tot com la canta.
Tà reservar las plaças:https://www.billetweb.fr/virabal