Los musicians
Christian Josuer
Acordeon diatonic – Flabuta/tamborin – Votz
Frédéric Cavallin
Bateire, percussionista
Daniel Malavergne
Tubista
Patrick Vaillant
Compositor, adobaire, paraulèr (en occitan com en francés), mandolinista.
CV
Musician, ancian professor de las Escòlas especializat, formator e pedagòga en musica tradicionau de Gasconha.
A participat a l’aventura de :
- La Civada (grop fòlc de la 2au mitat de las annadas 70)
- Subèr Albert (grop ròck de la debuta de las annadas 80)
- SOS Orchestra de la Compagnie Lubat (Orquèstra Escòla de la Compagnie Bernard Lubat 1982-1983)
- Agulhada de Gasconha (grop fòlc de la 2au mitat de las annadas 80)
- Nahas Mahas dab Michel Etchecopar
- Verd e Blu (1996 a 2009).
- Creacion de : Pirineos-Perinés-Pirenèus-Pyrénées, musicas de Aragón y Occitania. Espèctacle e libe disc (Prames Chicotèn V).
- Companhia Crestian Josuèr despuish 1999
- Araboas, grop aragonés despuish 2016.
Extrèit de discografia :
- Xiberoko Dantza Jauzik 1 et 2, dab Michel Etchecopar – 1996
- Branlo Navèth – Crestian Josuèr – AM001 – 2000
- Verd e Blu « Ompra o só ? » MG014
- Verd e Blu « Musicas a dançar dus » MG019
- Verd e Blu “ Baladas e danças“ MG024
- Pirineos-Perinés-Pirenèus-Pyrénées, musicas de Aragón y Occitania, livre disque (Prames Chicotén V)- 2001
- Pirineos Mágicos –Quasernet de viatge musicau (Prames Chicotén VII – AM002) – 2006
- Bal Gascon – Crestian Josuèr – AM003 – 2012
- Bal Gascon II – La Reconquista – AM004 – 2015
- Lo Trin de la dança: Libe CD de creacions en danças taus gojatòts: AM005 – 2019.
CV
Que comença la bateria a 8 ans, estudia a l’escòla Dante Agostini puish a l’escòla Music’halle de Tolosa, e descobreish las percussions orientaus dab Ali Alaoui, que segueish la formacion du jogador de Tabla indian Debashish Brahmachari.
Qu’ei passionat per l’idea deu «Folklore imaginaire» de Béla Bartok shens encadenassar los sons arradics occitano-italo-espanhòus.
Que tribalha adara dab, enter autes,Canoa, JUR, Hervé Suhubiette et les Éléments, Alain Larribet, Couple, L’atteinte….
CV
Daniel Malavergne, gojatòt d’armonia, medalhat de conservatòri, rotèr de fanfara, nhafrat jazz.
Aquesta mestresa que’u mia a crotzar lo camin d’artistas internacionaus com Patrick Vaillant, Alfred Spirli, Claude Tchamitchian, Pascal Llorret… Qu’ei en integrar la companhia Musica
Brass que Daniel començè ua insaciabla exploracion creatora de la soa musica. Que l’enriqueish per
las soas multiplas collaboracions dab companhias de teatre, d’art de rua, de dança e de
circ – en France com hòra de França.
Uei, ric de repertòris e d’influéncias musicaus divèrsas, que crea la soa
instrumentacion pròpi, de la cosquilha au tuièu, qu’ei excellent au bariton, au tuba contrabassa e a l’elicon. Que s’espandeish autant en lo son Sòlo n°1, com en la direccion de puishantas fanfaras, o en lo jòc d’improvisacion dab « Auprès de ma Blonde ».
Un còp passat per l’Ecole de Musique de l’Harmonie des Mines de la Grand-Combe, Daniel Malavergne que segueish ua formacion classica : qu’ei medalhat d’aur deu Conservatòri de Nîmes en 1986 e que receu lo Premi de la vila de Paris Conservatòri deu XIIIau en 1988.
De 1989 enlà, que’s hica a jogar per la carrèra en váder membre de la companhia Musica Brass, participacion aus espectacles : L’avant-Garde Républicaine (viradas per Euròpa, Canada, Africa), Embrass’ Moi, L’ écume des rues, La Ballade musicale.
Puish, que tribalha sus l’empont, per los hestenaus festivals de musicas tradicionaus dab P. Vaillant,
R. Tesi e lo teatre dab la companhia Carcara Producteurs e Le Théâtre de la Palabre. Despuish 1999, que gavida la fanfara deu hestenau de Jazz de Perpinhan, Jazzèbre.
CV
Patrick Vaillant, vadut a la Ciotat, que viu a Niça. La soa musica que putza en diferents registres musicaus: tradicionau, classic, contemporanèu. Mantuas creacions au son actiu.
Tà parlar de las darrèras : musicas tau cinèma (Ciné-Mando-Solo), tau teatre, composicions sus poèmas de Victor Gelu (espèctacle Chi na na poun), composicions taus gojatòts.
Qu’apitè le Melonious Quartet, quatuor de mandolina modèrne. Mantuns enregistraments, concèrts e collaboracions qu’an seguit. Qu’ei lo director artistic deu hestenau Mandopolis qui arcuelh a numerós artistas internacionaus, cada an, a la debuta de julh.
Qu’ei un deus fondators deu « Front de Libération de la Mandoline », un grop qui’s vòu a l’avantguarda de la creacion dab aqueste instrument.
Extrèit de discografia :
- Chin Na Na Poun, « Au Cabanon« , label Buda, 2010.
- Bastian Contrari, 2007, édité par Modal.
- Barbe-Bleue, espoir des femmes, 2007
- Chin na na poun, label Daqui, 2007.
- En forme de poire avec le Melonious Quartet : œuvres du compositeur français Erik Satie arrangées pour quatuor de mandolines.
E puish :
D’autes musicians, cantaires, grafistas que vienen completar lo tribalh de la Companhia. Que cau mentàver a Luis Miguel Bajén e Fernando Gabarrús, musicians aragonés, Nino Ferrer, contrabassista bigordan, Maika Etchecopar, cantaira e comediana de Xiberoa, Catí Rambaud, cantaira e dançaira, Edwige Larralde, dançaira, campiona deu monde de claquetas 2004, Mila Dolz, grafista aragonesa, Benjamin Bouyssou e Yoan Delor, musicians tradicionaus bearnés e bigordan, Carlos Bettancourt, contrabassiste peruvian,…